റോമിലെ സീസറിന്റെ [ഖൈസര്] പേരില് അയച്ച കത്ത് ഇതായിരുന്നു .
"പരമകാരുണികാനും കരുണാനിധിയുമായ അല്ലാഹുവിന്റെ നാമത്തില് "
"ദൈവദാസനും പ്രവാചകനുമായ മുഹമ്മദില് നിന്ന് റോമിലെ മുഖ്യ ഭരണാധികാരി ഹിര്ഖലി [ഹിറാക്ളിയസി] നു "
"സന്മാര്ഗ്ഗം പിന്പറ്റിയവരുടെമേല് ദൈവരക്ഷയുണ്ടാവട്ടെ "
"ഇസ്ലാമിക സന്ദേശത്തിലേക്ക് ഞാന് താങ്കളെ ക്ഷണിച്ചുകൊള്ളുന്നു ."
" ദൈവത്തോട് അനുസരണയും കൂറും പുലര്ത്തുകയാണെങ്കില് മോക്ഷം ലഭിക്കുന്നതാണ്.എങ്കില് ദൈവം താങ്കള്ക്ക് ഇരട്ടി പ്രതിഫ്ഹലം നല്കും .അല്ലാഹുവോട് കൂറുപുലര്ത്തുന്നതില് നിങ്ങള് പരാന്ഗ്മുഖത കാണിക്കയാണെങ്കിലാവട്ടെ സ്വന്തം രാജ്യനിവാസികളുടെ പാപഭാരം കുടി താങ്കള് പേറെണ്ടിവരും.എന്തുകൊണ്ടെന്നാല്,താങ്കളുടെ നിരാകരണം മൂലം ഇസ്ലാമിക പ്രബോധനം അവര്ക്കും എത്തിക്കാന് സാധിക്കാതെവരും."
ദിഹിയതുല് കല്ബി,റോമിലെ സീസറിന്റെ പ്രതിനിധിയായി അന്ന് സിറിയ ഭരിച്ചിരുന്ന ഹാരിസ് ഗസ്സാനിക്ക് ഈ എഴുത്ത് ബസ്വറയില് ചെന്ന് കൊടുത്തു .അദ്ദേഹം അത് സീസറിനു എത്തിച്ചു .എഴുത്ത് കിട്ടിയ സീസര് അറബികളില്പെട്ട ആരെങ്കിലും നാട്ടിലുണ്ടെങ്കില് അയാളെ കൊട്ടാരത്തിലെത്തിക്കാന് കല്പിച്ചു.ഈ സമയം അബുസുഫ്യാന് വ്യാപാരവശ്യാര്ത്ഥം പ്രസ്തുത പ്രദേശത്ത് പോയിരുന്നു.സീസറിന്റെ ഉദ്യോഗസ്ഥന്മാര് അദ്ധേഹത്തെ ദര്ബാറിലെത്തിച്ചു.അദ്ദേഹം ആയുള്ള സംഭാഷണം ആണ് ചുവടെ .
- സീസര് : പ്രവാചകത്വവാദിയുടെ കുടുംബം എങ്ങിനെ ?
- അബു : കുലീന കുടുംബത്തില്പെട്ടവനാണ് അദ്ദേഹം .
- സീസര് : ഈ കുടുംബത്തില് എപ്പോഴെങ്കിലും രാജാക്കന്മാര് ഉണ്ടായിരുന്നോ ?
- അബു : ഒരിക്കലുമില്ല.
- സീസര് :ഈ മതം സ്വീകരിച്ചവര് ദുര്ബലവിഭാഗമോ അതോ സമ്പന്നരോ?
- അബു :ദുര്ബല വിഭാഗം .
- സീസര് : അദ്ധേഹത്തിന്റെ അനുയായികള് വര്ധിക്കുകയാണോ കുറയുകയാണോ ?
- അബു : നന്നായി വര്ദ്ധിച്ചുകൊണ്ടിരിക്കുകയാണ് .
- സീസര് : വല്ലപ്പോഴും അദ്ദേഹം കളവു പറഞ്ഞതായി നിങ്ങള്ക്കറിയാമോ ?
- അബു : ഒരിക്കലുമില്ല .
- സീസര് : വല്ലപ്പോഴും കരാര് ലംഘിച്ചിട്ടുണ്ടോ?
- അബു : ഇതേവരെ കരാര് ലംഘനസംബന്ധിയായി ഒരു കാര്യവും അദേഹത്തില്നിന്നുണ്ടായിട്ടില്ല.ഇപ്പോള് പുതിയൊരു കരാറുന്ടായിട്ടുണ്ട് .(ഹുദൈബ്ബിയാ സന്ധി ).അതില് ഉറച്ചുനില്ക്കുമോ ഇല്ലെ എന്ന് കണ്ടറിയണം.
- സീസര് :നിങ്ങള് വല്ലപ്പോഴും അദ്ദേഹവുമായി യുദ്ധത്തിലെര്പ്പെട്ടിട്ടുണ്ടോ?
- അബു :ഉണ്ട് .
- സീസര് : യുദ്ധത്തിന്റെ അനന്തര ഫ്ഹലമെന്തായിരുന്നു?
- അബു : ചിലപ്പോള് ഞങ്ങള് ജയിക്കും .ചിലപ്പോള് അദ്ദേഹം ജയിക്കും.
- സീസര് :അദ്ധേഹത്തിന്റെ അധ്യാപനങ്ങള് എന്തൊക്കെയാണ് ?
- അബു : ഒരേയൊരു ദൈവത്തിന് മാത്രമേ അടിമപ്പെടാവൂ.മറ്റാരെയും അവനു പങ്കാളിയാക്കിവെക്കരുത്.പരിശുദ്ധി കൈക്കൊള്ളുക,സത്യം പറയുക .പരസ്പരം കരുണയോടും സഹാനുഭൂതിയോടും പെരുമാറുക ഇതൊക്കെയാണ് അദ്ദേഹം പഠിപ്പിക്കുന്നത്.
ഈ സംഭാഷാനന്തരം സീസര് പറഞ്ഞു : പ്രവാചകന് ഇപ്പോഴും കുലീന കുടുംബത്തിലാണ് ജനിക്കാറു.അദ്ധേഹത്തിന്റെ ഗോത്രത്തില് മറ്റു വല്ലവരും പ്രവാചകത്വം വാദിച്ചിരുന്നെങ്കില് അദ്ധേഹത്തിന്റെ അവകാശവാദം കുടുംബത്തിന്റെ സ്വാധീനഫലമാണെന്നു കരുതാമായിരുന്നു.അദ്ധേഹത്തിന്റെ കുടുംബത്തില് വല്ല രാജാക്കന്മാര്മാരുണ്ടായിരുന്നെങ്കില് അധികാരമോഹത്താലാണ് ഇതെല്ലാം അദ്ദേഹം ചെയിതുകൊണ്ടിരിക്കുന്നതെന്നു ധരിക്കാമായിരുന്നു.മനുഷ്യരുമായുള്ള ഇടപാടില് അദ്ദേഹം ഒരിക്കലും കള്ളം പറയാറില്ല എന്നാണ് അനുഭവമെങ്കില് ദൈവത്തിന്റെ കാര്യത്തില് (ദൈവം തന്നെ പ്രവചകന്നാക്കിയിരിക്കുന്നു എന്ന കാര്യത്തില് ) ഇത്ര വലിയ വ്യാജം അദ്ദേഹം എഴുന്നള്ളിക്കുമെന്നു എങ്ങിനെ പറയാന് കഴിയും?തുടക്കത്തില് പ്രവാചകന്മാരുടെ അനുയായിക്കള് എന്നും പാവങ്ങളായിരുന്നു എന്നതും ഒരനുഭവ യാഥാര്ത്യമത്രെ.സത്യമതം എപ്പോഴും അഭിവൃദ്ധിപ്പെട്ടുകൊണ്ടുതന്നെയിരിക്കും.പ്രവാചകന് ഒരിക്കലും ആരെയും വഞ്ചിക്കയില്ല എന്നതും ശരിയാണ്.അദ്ദേഹം നമസ്ക്കരിക്കാനും സംശുദ്ധിപുലര്ത്താനും ദൈവഭക്തി നിലനിര്ത്താനും ഉപദേശിക്കുന്നുവെന്നും നിങ്ങള് പറയുന്നു.ഇതെല്ലാം ശരിയാണെങ്കില്,എന്നെങ്കിലും ഒരു ദിനം അദ്ധേഹത്തിന്റെ അധികാരശക്തി എന്റെ ഭരണകൂടത്തെയും കീഴ്പ്പെടുത്തുമെന്നു എനിക്കുറപ്പാണ്.ഒരു പ്രവാചകന് വരാനിരിക്കുന്നുണ്ടെന്ന വസ്തുതയും എനിക്കറിയാം.പക്ഷെ ,അദ്ദേഹം അറേബിയയില് ജനിക്കുമെന്ന ധാരണ എനിക്കിലായിരുന്നു.എനിക്കു അവിടെ ചെല്ലാന് സാധിക്കുകയാണെങ്കില് ഞാന് സ്വയം അദ്ധേഹത്തിന്റെ പാദങ്ങള് കഴുകിക്കൊടുക്കും."
സീസറിന്റെ ഈ ചിന്താഗതികല് ശ്രദ്ധിച്ചപ്പോള് അദ്ധേഹത്തിന്റെ ദര്ബാര് പുരോഹിതന്മാര്ക്കും മതപണ്ടിതന്മാര്ക്കും കടുത്ത അസംതൃപ്തിയുളവായി.സീസര്ക്കെതിരെ കലാപം പൊട്ടിപ്പുറപ്പെടുമോ എന്ന ആശങ്കയുമുണ്ടായി.ഈ ആശങ്കയില് അദ്ധേഹത്തിന്റെ ഹൃദയത്തില് ജന്മം കൊണ്ട പ്രകാശം കെട്ടുമങ്ങി.സത്യം സ്വീകരിക്കുന്നതില് ഏറ്റവും വലിയ പ്രതിബന്ധം സമ്പത്തും അധികാരവുമാണെന്ന് വളരെ ശരിയാണ്.
["നബിയുടെ ജീവിതം" എന്ന പുസ്തകത്തില് നിന്നും ]
